Ventar storinnrykk til Småkraftdagane 2021- her kan du sikre deg utstillarplass

(10/09/2021) Måndag 8. til onsdag 10. november inviterer NVE og Småkraftforeninga til småkraftbransjens viktigaste møteplass. Det er i år venta storinnrykk etter at Småkraftdagane fjor blei avlyst grunna pandemien. Her kan utstillarane sikre seg plass.

– Her må du vere om du skal henge med på det som skjer i bransjen. I år møtest me på Quality Hotel Edvard Grieg på Sandsli ved lufthamna på Flesland like utanfor Bergen, seier dagleg leiar i Småkraftforeninga Knut Olav Tveit.

Saman med staben i foreninga har han planlagt eit fyldig program.

  • Måndag har NVE som vanleg regien på programmet med nyttig fagstoff om drift og utbygging av småkraft.
  • Tysdag har me tema som politikk, kraftprisar, økonomi, hydrologi / klima og lokal forankring av fornybar kraftproduksjon.
  • Onsdag ser me mellom anna på generasjonsskifte i småkraftverk og konsekvensane EU-taksonomien kan få for finansiering av nye og eksisterande småkraftverk.

Det vert også ein eigen temabolk om generatorskadar samt FSE-kurs.
Småkraftdagane har dei siste åra samla vel 400 deltakarar samt 60 utstillarar av utstyr til småkraftbransjen.

Det er opna for å bestille stand for utstillarane. Informasjon ligg her.

Klikk her for å bestille hotell og melde deg på Småkraftdagane 

Småkraftforeninga vil til ei kvar tid fylgje dei gjeldande smittevernreglane under arrangementet.

 

Vel møtt til fagleg påfyll og nettverksbygging i Bergen.

Hovudsponsor Småkraftdagane 2021:

Sparebanken Vest



Småkraftforeninga
Nedre Vollgate 9, 0158 Oslo

E-post: post@smakraftforeninga.no
Telefon 99 08 08 78

Blog Blog Blog Blog