Småkraftdagane 2024

Småkraftdagane 2024 ble arrangert på Quality Hotel Edvard Grieg i Bergen 18-20. mars 

Småkraftdagane er sjølve høgdepunktet i året for dei fleste småkraftinteresserte. Da møtest fagmiljø, leverandørar, politikarar, utbyggjarar og gjester i tre dagar for å utveksle siste nytt i bransjen. Arrangementet er som regel i mars kvart år.

Småkraftdagane gjekk av stabelen på Quality Hotel Edvard Grieg, der arrangementet har vore gjennomført dei siste åra. Dette er eit stort og flott hotell med rikeleg plass til utstillarar.

I år starta arrangementet med eit fagseminar på verkstaden til Karsten Moholt AS på Askøy. Dette er et samarbeid mellom Småkraftforeninga og Karsten Moholt der fokuset ligg på vedlikehald av generatorar på småkraftverk.

Måndag ettermiddag / tidleg kveld var det oppsummering av småkraftåret 2023 med tankar om kva som vil skje framover. Elles ble det som vanleg politikardebatt (mellom AP, H, SP og V) og ulike andre faglege innslag dei to neste dagane.

Viktigst for mange er det å sjå kva som rører seg blant leverandørane til småkraftbransjen. Også i år stillte ei rekke firma opp og viste fram det nyaste dei har å tilby i messeområdet på hotellet. I år var 63 utstillarar til stades for å møte nye og gamle kundar, og meir enn 400 personer var innom Småkraftdagane totalt.